Ish-këshilltari kryesor i narkotikëve në qeverinë e Mbretërisë së Bashkuar ka sugjeruar që burgjet të provojnë një mundësi, ku parashihet që falas t’u dhënë marihuanë të burgosurve për të parë nëse zvogëlohet dhuna, rastet e mbidozimit dhe varësinë ndaj drogave më të forta.
Muajin e kaluar, oficeri i policisë Arfon Jones tha se nëse autoritetet gjyqësore do të adresonin seriozisht zvogëlimin e dëmit dhe dhunën në burgje, “ata duhet të adresojnë shkaqet”, të tilla si kanabionid i lirë sintetik, i cili mund të jetë vdekjeprurës ndryshe nga marihuana, raporton theguardian.
“Marihuana do të ishte një përmirësim ndaj marihuanës sintetike të kontrabanduar nga zyrtarët e burgut”, tha Jones.
Më shumë se 300 zyrtarë burgu dhe personeli i jashtëm janë pushuar nga puna ose janë dënuar për sjelljen e sendeve të ndaluara, të cilat mund të përfshijnë drogë, duhan dhe telefona celularë gjatë pesë viteve të fundit.
Një diskutim ka nisur mbi propozimin, në kontekstin e zgjedhjeve të ardhshme në Uellsin e Veriut, dhe kandidatët Konservatorë dhe Punëtorë kanë thënë se ata janë kundër idesë.
Rreth 13 përqind e të burgosurve në Angli dhe Uells thanë, gjatë një sondazhi zyrtar të fundit, se ata kishin probleme me drogat e paligjshme ndërsa ishin në burg.
