Drejtori i Institutit të Shëndetit Publik në Mal të Zi Igor Galiq njoftoi, të mërkurën, se është marrë vendimi që komuna e Ulqinit të mbyllet, duke u nisur nga situata e rënduar epidemiologjike.
Në komunën e Ulqinit do të mbyllen të gjitha institucionet arsimore, qendrat tregtare, qendrat sportive si dhe parqet publike.
Në ambientet publike nuk lejohet grumbullimi i më shumë se katër personave.
Mbajtja e maskës është e detyrueshme si në ambiente të mbyllura ashtu edhe të hapura. Dalja nga banesa është e lejueshme nga ora 05:00 deri në ora 21:00.
