Suedia heton terrorizmin si motiv të sulmit me thikë

Evropë

Suedia heton terrorizmin si motiv të sulmit me thikë

Më: 4 mars 2021 Në ora: 11:41
Foto ilustrim

Policia suedeze është duke hetuar terrorizmin si motiv të mundshëm prapa një sulmi me thikë në jug të Suedisë.

Sulmuesi, në të 20-tat, u arrestua pasi u qëllua dhe u plagos nga policia të mërkurën, në qytetin Vetlanda.

Ai plagosi tetë njerëz në lokacione të ndryshme në qendër të qytetit, i cili ndodhet rreth 275 kilometra në jugperëndim të Stokholmit.

Sipas spitalit lokal, tre të plagosur janë në rrezik për jetën.

Policia tha se po e heton krimin si përpjekje për vrasje dhe se po konsideron lidhjet e mundshme me terrorizëm.

Ministri i Brendshëm i Suedisë, Mikael Damberg, i tha Radios suedeze së është e rëndësishme të priten hetimet, përpara se të nxirren konstatime.

Policia nuk e zbuloi shtetësinë e sulmuesit të dyshuar, por tha se ai ka qenë i njohur për autoritetet për krime më të vogla.

Kryeministri suedez, Stefan Lofven, tha se “dhuna e tmerrshme” është një kujtesë se “sa e dobët është ekzistenca jonë e sigurt”.

Forca shtesë të policisë janë vënë në patrullë në zonën e sulmit./REL

commentFirst article
Sot mund të lexoni Shfletoni kopertinat