E reja e vritet e copëtohet pasi joshet në apartamentin e të panjohurit pas mbrëmjes me miqtë

Evropë

E reja e vritet e copëtohet pasi joshet në apartamentin e të panjohurit pas mbrëmjes me miqtë

Më: 4 mars 2021 Në ora: 17:09
Lorraine Cox, Azam Mangori

Një vajzë e re është vrarë dhe trupi i saj është copëtuar në një apartament mbi një dyqan fast-food-i pasi u josh nga një i panjohur një mbrëmje të vonë.

24-vjeçari Azam Mangori, kishte joshur 32-vjeçaren e ndjerë Lorraine Cox, e cila po kthehej në shtëpi pasi kishte qenë në një bar me miqtë e saj në Exeter, në jug të Britanisë.

Dje në gjykatë u tregua sesi Mangori kishte bërë seks me Lorraine në një rrugicë para se ta merrte atë në dhomën e tij. Ai më pas e kishte vrarë dhe kishte copëtuar trupin e saj në shtatë pjesë, të cilat i kishte mbajtur për disa ditë në apartament.

Mangori, me origjinë kurde nga Iraku, ka pranuar se ka prerë krahët e këmbët e Lorraine dhe më pas ka shpërndarë pjesët e trupit të saj, por mohon vrasjen.

Në gjykatë u tha se Lorriane kishte qenë duke pirë me miqtë e saj në mbrëmjen e një dite pushimi gushtin e vitit të kaluar. Ajo ishte nisur të shkonte me këmbë në shtëpi rreth orës 1.00 të natës kur kishte hapur me Mangori, i cili gjithashtu po ecte në rrugë.

Lorraine, e cila raportohet se ishte në një marrëdhënie me një tjetër femër, u shpall më pas e humbur nga i ati. Mangori kishte përdorur celularin e saj duke u hequr se ishte vajza, për të bërë të besonin të tjerët se ishte ende gjallë, u tha në gjykatë.

Prokurori Simon Laws tha: “Vendndodhja e saj nuk dihej prej një jave nga miqtë e familjarët. Por e vërteta ishte se ajo ishte vrarë nga i akuzuari. Ata nuk ishin njohur më parë, por ai përfitoi nga gjendja e saj e pirë nga alkooli dhe pati një episod seksual me te në një rrugicë pranë Sidwell Street.”

“Më pas ai e mori atë në dhomën ku banonte mbi një dyqan qebapi dhe e vrau atje”.

“Ai preu trupin e saj në shtatë copa dhe i flaku ato”.

Në gjykatë u tha se disa pjesë të trupit u gjetën në koshat e plehrave pranë dyqanit të kebapit, ndërsa të tjera copa vrasesi i kishte mbajtur në shtëpi.

Në celularin e Mangorit kishin gjetur foto ku shiheshin pjesë të këmbës dhe gjymtimeve të trupit të viktimës.

Prokurori tha: “Mangori kishte dalë nëpër rrugë si predator për të parë çfarë mund të gjente. Kur pa Lorraine Cox vetëm dhe te intoksikuar, ai e joshi me mënyrat e tij. Lorraine Cox preferonte kryesisht vajzat por nganjëherë ka pasur lidhje me meshkuj”.

Në gjykatë u tha se Mangori ka përdorur emrin e rremë Christopher Mayer kur erdhi fillimisht në Britani. Gjyqi vazhdon.

Shfaq komentet
comments powered by Disqus
Sot mund të lexoni Shfletoni kopertinat