Italia ka raportuar më shumë se 18 mijë raste brenda 24 orëve të fundit si dhe 551 viktima si pasojë e sëmundje së COVID-19.
Sipas agjencisë së lajmeve italiane ANSA, vendi regjistroi të hënën më shumë se 13 mijë raste si dhe 386 të vdekur.
Bëhet e ditur se Italia kreu më shumë se 335 mijë teste gjatë 24 orëve të fundit, krahasuar me një ditë më parë ku u bënë më shumë se 169 mijë sosh.
Bota tash më shumë se 1 vit po përballet me pandeminë vdekjeprurëse të COVID-19, me këtë rast ka regjistruar 123 milionë raste si dhe 2.7 milionë viktima. Vendi më i prekur në botë si pasojë e virusit vdekjeprurës është SHBA-ja.
