Familjet franceze festuan me djathë vitin e kaluar. Teksa e gjithë vëmendja u kthye në gatimin në shtëpi, ata kërkuan rehati gastronomike gjatë izolimit të Covid-19 që rezultoi dhe me mbylljen e restoranteve.
Sasia e djathit të blerë nga francezët për konsum në shtëpi u rrit me më shumë se 8% në vitin 2020-të. Kjo krahasuar me vetëm 2% të një viti më parë, sipas shifrave të agjencisë bujqësore FranceAgriMer dhe firmës së të dhënave të tregut Kantar.
Në Francë, mocarela pati rritjen më të madhe të kërkesës midis kategorive kryesore të djathit. Me një rritje prej 21% të vëllimit, e ndjekur nga një rritje prej 12% për raclette. Ky i fundit, i preferuar gjatë dimrit, i shoqëruar me patate dhe mish.
Së bashku me shitjet e mëdha të supermarketeve, dyqanet e specializuara si Augustin Denous ’në Boulogne-Billancourt, pak jashtë Parisit, kanë raportuar për sasi të larta blerjesh nga familjarët francez gjatë izolimit.
Konsumimi i lartë i djathit
“Në mënyrën tonë të vogël, ne kemi ndihmuar në parandalimin e mërzitjes së njerëzve. Ka qenë një moment kënaqësie në tryezën e darkës me verë të mirë, bukë të mirë dhe djathë të mirë “, shtojnë ata.
“Është një nga ato kënaqësitë që janë ende të arritshme”, tha një nga klientët e Denous, Nicolas, në dyqan.
Ushqimi në shtëpi, megjithatë, në rastin më të mirë mund të kompensojë vetëm kërkesën e humbur të restoranteve dhe turizmit në Francë, teksa masat e mbylljes vazhdojnë në 2021, tha organi i industrisë së qumështit CNIEL.
Djathi sidoqoftë ka dalë më mirë sesa produktet si shampanja ose peshku që varen më shumë nga ngjarjet dhe tregtia e restoranteve.
Dashamirët e djathit gjithashtu shohin një mundësi për të mbrojtur grupin e njohur të djathërave artizanal të Francës.
“Ekziston vërtet një entuziazëm për bujqësinë dhe duhet të sigurohemi që kjo të reflektohet në ardhjen e prodhuesve të rinj,” tha Veronique Richez-Lerouge, president i shoqatës lokale të djathrave të Francës.
