Shifrat e publikuara nga autoritetet e Turqisë rreth rasteve me COVID-19 tregojnë se varianti i Mbretërisë së Bashkuar përbën 75% të të gjitha rasteve në vend, tha ministri i Shëndetësisë, Fahrettin Koca në një deklaratë të mërkurën vonë.
Sipas shifrave që ministri ndau në Twitter, Turqia deri më tani ka regjistruar 180,448 raste me variantin e Mbretërisë së Bashkuar në 81 provinca dhe 169 të llojeve të Afrikës së Jugut në 11 provinca.
Sidoqoftë, ai shprehet optimist.
“Si rezultat i negociatave me prodhues të ndryshëm, Turqia së shpejti do të jetë në gjendje të blejë më shumë vaksina COVID-19”, tha ai.
Ndryshe, më herët në të njëjtën ditë, Turqia raportoi pothuajse 40,000 raste të reja me koronavirus.
Një total prej 39,302 rastesh, përfshirë 1,401 pacientë simptomatikë, u konfirmuan në të gjithë vendin në 24 orët e fundit.
Numri i përgjithshëm i rasteve në Turqi është tani mbi 3.3 milionë, ndërsa numri i të vdekurve në të gjithë vendin ka arritur në 31,537 me 152 viktima më shumë gjatë ditës së kaluar.
Deri në 19,193 pacientë të tjerë u rikuperuan nga virusi, duke e çuar numrin e rikuperimeve në mbi 3 milion.
Që kur Turqia filloi një fushatë vaksinimi masive kundër COVID-19 më 14 janar, ajo ka administruar mbi 16.03 milionë vaksina, sipas shifrave zyrtare.
Në këtë drejtim, mbi 9.14 milionë njerëz deri më sot kanë marrë dozat e tyre të para, ndërsa dozat e dyta janë dhënë për më shumë se 6.89 milionë të tjerë.
