Horror në Itali/Burri vret gruan, djalin dhe pronarët e shtëpisë ku jetonin

Evropë

Horror në Itali/Burri vret gruan, djalin dhe pronarët e shtëpisë ku jetonin

Më: 11 prill 2021 Në ora: 16:31
Foto ilustrim

Një ngjarje e rëndë ka ndodhur në Torino të Italisë, ku një pensionist ka vrarë gruan dhe fëmijën e e tij me aftësi të kufizuara, e më pas qëlloi çiftin e  moshuar, pronarë të shtëpisë ku ata banonin.

Pas masakrës , ai u përpoq të vetëvritej me armën e krimit. Ai ndodhet i shtruar në spital në gjendje të rëndë.

Ngjarja u zbulua nga karabinierët menjëherë pasi ndodhi masakra në orën 3 të mëngjesit, ku ata gjetën 4 trupat e pajetë.

83-vjeçari, Renzo Tarabella, qëlloi veten në fytyrë, në momentin kur karabinierët hynë në apartament.

Alarmin për vrasjen e dha vajza e dy të moshuarve, pronarë të shtëpisë, e cila banonte në ndërtesën përballë prindërve të saj.

Autoritetet njoftuan se nuk kishte mbetur asgjë për të bërë, për gruan e tij 70 vjeçare dhe djalin e tyre 51-vjeçar,, si dhe çiftin e të moshuarve përkatësisht 74 dhe 70 vjeç.

Arma e përdorur për krimin rezultoi të ishte pa leje.

Investiguesit po punojnë për zbardhjen e masakrës që la të vdekur 4 persona, duke marrë në pyetje të afërm dhe fqinjë për të zbuluar më shumë detaje rreth motivit që e shtyu pensionistin të kryente këto vrasje.

commentFirst article
Sot mund të lexoni Shfletoni kopertinat