Publikohen imazhet satelitore, kështu u grumbullua ushtria në Rusi dhe Ukrainë

Evropë

Publikohen imazhet satelitore, kështu u grumbullua ushtria në Rusi dhe Ukrainë

Më: 22 prill 2021 Në ora: 23:12
Ushtarët ukrainas me tanke, marrin pjesë në një stërvitje ushtarake.

Fotografitë e publikuara më 20 prill, tregojnë grumbullime të pajisjeve ushtarake ruse në Gadishullin ukrainas të Krimesë dhe përgjatë kufirit mes Rusisë dhe Ukrainës.

Image
Avionë ushtarakë rusë të tipit Sukhoi Su-34 shihen në pistën e bazës ajrore ruse, Morozovsk.

Fotografitë që janë përdorur në këtë tekst janë realizuar midis 27 marsit dhe 16 prillit nga Maxar Technologies, një kompani për imazhe satelitore që siguron “90 për qind të inteligjencës kryesore gjeohapësinore që përdoret nga Qeveria e Shteteve të Bashkuara”.

Image
Tanke, kamionë dhe pajisje të tjera ushtarake, shihen në zonën e stërvitjes Pogorovo në afërsi të Voronezh, në Rusi.

Kreu i Maxar Technologies, Dan Jablonsky, tha për The Wall Street Journal se kompania e tij i bëri publike këto fotografi sepse është e “përkushtuar për transparencë”.

Image
Tenda të ngritura dhe pajisje të tjera janë vendosur në zonën e stërvitjes në Angarsy që gjendet në Krime, gjatë zbarkimit të fundit të ushtrisë ruse në këtë zonë.

Tensionet në mes të Shteteve të Bashkuara dhe Rusisë janë rritur javëve të fundit, teksa vetë presidenti amerikan, Joe Biden, javën e kaluar njoftoi për sanksione të reja ndaj Moskës, për shkak të ndërhyrjes në zgjedhje dhe për sulmin masiv kibernetik SolarWinds.

Image
Njësitë ajrore janë parë duke manovruar teksa ushtria ruse është vendosur në qendrën stërvitore Angarsy në Krime.

Zyrtarët amerikanë thonë se numri i trupave ruse në Krime dhe në afërsi të kufirit me Ukrainën, është dyfishuar gjatë muajit të fundit.

Image
Baza ajrore Kirovskoye në Gadishullin e Krimesë.
Image
Avionët luftarakë rusë të vendosur në bazën ajrore Saki në Krime.
Image
Tanke dhe pajisje të tjera ushtarake shihen në qendrën e stërvitjeve në afërsi të Voronezhit, në Rusi.
Image
Rusia ka vendosur pajisje ushtarake edhe në qendrën stërvitore Opuk, në bregdetin e Detit të Zi në Krime.
Image
Pamje satelitore nga qendra stërvitore në afërsi të Voronezhit të Rusisë.

Më 20 prill, ushtria ukrainase publikoi fotografi të saja të ushtrimeve me tanke në një lokacion në “lindje të Ukrainës”, por nuk tregoi saktë se ku po zhvillohen këto ushtrime.

Ukraina ka kryer ushtrime me tanke në një lokacion të panjohur në lindje të vendit.

Image
Ushtarët ukrainas vozisin makinat për sulme kundër-ajrore të tipit Tunguska.
Image
Ushtarët ukrainas me tanke, marrin pjesë në një stërvitje ushtarake.

Më 19 prill, Ministri i Jashtëm i Ukrainës, Dmytro Kubela i bëri thirrje Bashkimit Evropian që të “dekurajojë Moskën nga përshkallëzimi i mëtejmë i situatës”, duke kërkuar që ndaj Rusisë të vendosen sanksione të reja./REL

Shfaq komentet
comments powered by Disqus
Sot mund të lexoni Shfletoni kopertinat