Edhe pse shkonte në punë prej 15 vjetësh, punonjësi i spitalit merrte rrogë të plotë

Evropë

Edhe pse shkonte në punë prej 15 vjetësh, punonjësi i spitalit merrte rrogë të plotë

Më: 23 prill 2021 Në ora: 19:49
Foto ilustrim

Një punonjës spitali i akuzuar se ka munguar në punë për 15 vjet duke marrë rrogë të plotë, është mbiquajtur ‘mbreti i mashtruesve’ në Itali.

Mediat vendase e kanë identifikuar atë si Salvatore Scumace dhe raportohet se ka qenë në spital vetëm një herë, ditën e nënshkrimit të kontratës së punës.

Ai thuhet se ishte paguar 538,000 € (464,000 £) gjithsej gjatë viteve që mendohet se nuk ka punuar.

Gjashtë menaxherë në spital po hetohen gjithashtu në lidhje me mungesën e pretenduar.

Arrestimet janë rezultat i një hetimi të gjatë policor mbi mungesat dhe mashtrimet e dyshuara në sektorin publik italian.

Scumace po hetohet tashmë për abuzim me detyrën, mashtrim dhe zhvatje në kushte të rënduara, ndërsa gjashtë drejtues të spitalit janë arrestuar si të dyshuar se kanë ndihmuar mashtrimin afatgjatë.

Besohet se Scumace, punonjës civil, nuk ka ardhur në punë prej vitit 2005 pas një konflikti me ish-shefin e tij.

Policia thotë se kishte kërcënuar drejtoreshën e spitalit për ta ndaluar që ajo të depozitonte ankesën disiplinore.

Por pas daljes së saj në pension, pasuesit nuk kontrolluan kurrë punën e personit, duke e lejuar të vazhdonte të merrte rrogën e plotë pa u paraqitur.

Në 2015, policia zbuloi se 75% e punonjësve të këshillit bashkiak në San Remo, nuk shfaqeshin në punë.

Një roje sigurie që jetonte në ambientet e këshillit kalonte kartat e tyre në shënuesen e orarit për të kompletuar skemën e manipulimit.

Shfaq komentet
comments powered by Disqus
Sot mund të lexoni Shfletoni kopertinat