Ngjarje e rëndë në Francë, nëna e 3 fëmijëve digjet në mes të rrugës nga ish-bashkëshorti

Evropë

Ngjarje e rëndë në Francë, nëna e 3 fëmijëve digjet në mes të rrugës nga ish-bashkëshorti

Më: 5 maj 2021 Në ora: 18:45
Foto ilustrim

Një ngjarje e rëndë ka ndodhur në Francë ku një nënë 31-vjeçare është vrarë dhe më pas djegur në mes të rrugës nga ish-bashkëshorti i saj.

Mediat e huaja bëjnë me dije se ngjarja e rëndë ka ndodhur në lagjen Merignac, pranë aeroportit Bordeaux në Francën jugperëndimore, ku një grua 31-vjeçare, nënë e tre fëmijëve, është ndjekur dhe është plagosur nga burri i saj në mes të rrugës.

Ndërkohë më pas ish-bashkëshorti e ka lagur me benzinë dhe i ka vënë flakën nënës së fëmijëve të tij.

31-vjeçarja dhe 44-vjeçari ishin të ndarë, ndërsa fëmijët e tyre të moshës 3, 7 dhe 11 vjeç jetonin me nënën e tyre.

Policia ka bërë të mundur arrestimin e autorit vetëm gjysmë ore pas ngjarjes së rëndë, ku i është sekuestruar një rrip i mbushur me municione luftarake.

commentFirst article
Sot mund të lexoni Shfletoni kopertinat