Tensione mes Britanisë dhe Francës shkaku i peshkatarëve

Evropë

Tensione mes Britanisë dhe Francës shkaku i peshkatarëve

Më: 6 maj 2021 Në ora: 20:27
Dy anijet britanike kanë qëndruar vetëm 2 kilometra larg bregut për të mbikëqyrur anijet franceze të peshkimit

Dy anije luftarake të Britanisë së Madhe kanë arritur në afërsi të brigjeve të ishullit Jersey, pasi 80 anije ishin mbledhur në portin e Shën Helierit për të protestuar ndaj ligjeve të reja të peshkimit pas BREXIT-it.

Dy anijet britanike kanë qëndruar vetëm 2 kilometra larg bregut për të mbikëqyrur anijet franceze të peshkimit, që ishin mbledhur në ishullin e kanalit që ndan Britaninë dhe Francën.

Qeveria britanike ka bërë të ditur të enjten se luftanijet janë dërguar në Kanal për të monitoruar situatën, por angazhimi i tyre është kritikuar nga opozita që ka pretenduar se veprimi ishte i tepruar për të ngritur kredencialet e konservatorëve në ditën e zgjedhjeve lokale në Britani.

Peshkatarët francezë kanë protestuar rreth lejeve të reja, që për herë të parë kufizojnë numrin e ditëve të peshkimit në ujërat e përbashkëta të Britanisë dhe Francës, shkruajnë mediat e huaja.

Deri më tani peshkatarët kanë operuar në bazë të një traktati dyqindvjeçar.

Sot mund të lexoni Shfletoni kopertinat