Dy aktivistë kanë bllokuar sot hyrjen e selisë kryesore të kompanisë së barnave AstraZeneca, duke bërë thirrje që gjiganti farmaceutik ta pezullojë patentën për vaksinën e saj për Covid.
Dy protestues e lidhën veten me zinxhir në dyert e selisë së AstraZeneca-s në Cambridge të Anglisë, ndërsa dy të tjerë u ngjitën lart për të vendosur një pankartë në të cilën shkruhej: “Vaksinë për njerëzit, jo vaksinë për përfitim”.
Protestat janë planifikuar gjithashtu në selinë e firmës Macclesfield dhe në Universitetin e Oksfordit, i cili punoi me AstraZeneca për të zhvilluar vaksinën.
Ndërkohë, kompania është zotuar se do ta shpërndajë vaksinën me çmim të ulët deri në fund të pandemisë.
