Borrell: Përshkallëzimi i dhunës në Lindjen e Mesme duhet të ndalet

Evropë

Borrell: Përshkallëzimi i dhunës në Lindjen e Mesme duhet të ndalet

Më: 12 maj 2021 Në ora: 21:06
Josep Borrell

Diplomati i lartë i Bashkimit Europian, Josep Borrell bëri thirrje për t’i dhënë fund dhunës në Lindjen e Mesme, veçanërisht në Gaza, në një deklaratë të bërë sot.

“Përshkallëzimi i rëndë në Izrael dhe Territorin e Pushtuar Palestinez, përfshirë rritjen e madhe të dhunës në dhe përreth Gaza-s, duhet të ndalet”, tha Borrell, raporton ATSh.

“BE është e tronditur nga numri i madh i vdekjeve dhe plagosjeve civile, përfshirë fëmijët. Përparësi duhet të jetë mbrojtja e civilëve”.

Ai tha se të gjitha përpjekjet duhet të drejtohen në shmangien e viktimave civile dhe mbështetjen e frenimit të përshkallëzimit.

“Hedhja pa kriter e raketave nga Hamas dhe grupe të tjera drejt civilëve izraelitë është e papranueshme”.

“Ndërsa njeh nevojën legjitime të Izraelit për të mbrojtur popullsinë e tij civile, kjo përgjigje duhet të jetë proporcionale dhe me përmbajtje maksimale në përdorimin e forcës”, përfundoi Borrell.

Shfaq komentet
comments powered by Disqus
Sot mund të lexoni Shfletoni kopertinat