Britania ju ofron të rinjve ushqim dhe zbritje në udhëtim që të marrin vaksinën ndaj COVID-19

Evropë

Britania ju ofron të rinjve ushqim dhe zbritje në udhëtim që të marrin vaksinën ndaj COVID-19

Më: 1 gusht 2021 Në ora: 09:47
Britani

Të rinjve në Mbretërinë e Bashkuar do t’u ofrohen zbritje për ushqim dhe udhëtime me taksi për të marrë vaksinën kundër COVID-19 vetëm që të rritet numri i marrjes së vaksinave.

Firmat e shpërndarjes së ushqimit dhe taksive përfshinë Uber, Bolt, Deliveroo dhe Pizza Pilgrims. Departamenti i Shëndetësisë tha së detajet rreth partneriteteve do të publikohen shumë shpejtë, raporton BBC.

Deri më tani rreth 67 përqind e personave nga moshave 18 e deri në 29 vjeç në Angli kanë marrë një dozë të vaksinës.

Rreth 72 përqind e të rriturve në Mbretërinë e Bashkuar kanë marrë dy dozat e vaksinës, ndërsa 88.5 përqind kanë marrë vetëm njërën dozë.
Uber gjatë muajit gusht do të ofrojë zbritje në udhëtim dhe në ushqim në platformën e saj Uber Eats për të rinjtë që do të marrin vaksinën.

Ndërsa kompania Bolt do të ofrojë udhëtimin falas deri në qendrat e vaksinimit, ndërsa firma e shpërndarjes së ushqimit Deliveroo do të ju japë kuponë të rinjve që vaksinohen.

Departamenti i Shëndetësisë tregoj se stimuj të tjerë mund të përfshijnë kuponë ose kode zbritje për njerëzit që marrin pjesë në faqet e vaksinave.

Sekretari i Shëndetësisë Sajid Javid falënderoi kompanitë për ndihmesën e vaksinimit dhe nxit njerëzit që të përfitojnë nga zbritjet.

Një festival katër ditor me muzikë të gjallë, ushqim falas dhe klinika vaksinimi, po zhvillohet në Poplar, në lindje të Londrës.

Shfaq komentet
comments powered by Disqus
Sot mund të lexoni Shfletoni kopertinat