Deri më tani, sipas shifrave zyrtare, rreth 67% e 18 deri 29-vjeçarëve në Angli kanë marrë dozën e parë të vaksinë anti-Covid.
Tashmë ka filluar një fushatë në të gjithë botën që sa më shumë persona të bëjnë vaksinën për të mbrojtur veten dhe të tjerët nga Covid-19.
Ka nga ata që nuk janë dakort për vaksinën dhe kryesisht janë të rinjtë.
Për këtë arsye në Angli po i ofrohet ulje çmimesh dhe transport falas për të gjithë ato që pranojnë të vaksinohen.
Firmat e shpërndarjes së ushqimeve dhe shërbimet taxi si Uber, Bolt, Deliveroo dhe Pizza Pilgrim do të ofrojnë stimuj për të gjithë të rinjtë që të vaksinohen.
Departamenti i Shëndetit dhe Kujdesit Social njofton se detajet mbi më shumë partneritete do të publikohen në kohën e duhur.
Deri më tani, sipas shifrave zyrtare, rreth 67% e 18 deri 29-vjeçarëve në Angli kanë marrë dozën e parë të vaksinë anti-Covid.
Nga Departamenti i Shëndetit dhe Kujdesit Social (DHSC) është njoftuar se do të ketë stimuj të tjerë, përmes kuponëve dhe kodeve me ulje çmimesh apo shërbime falas.
Nuk dihet nëse të rinjtë do të nxiten, por kryeministri britanik Boris Johnson ka paralajmëruar se mund të nevojitet pasaporta e Covid për të hyrë në klube nate ose vende të tjera me grumbuj njerëzish.
