Vdes ambasadori i Serbisë në Rusi

Evropë

Vdes ambasadori i Serbisë në Rusi

Më: 4 gusht 2021 Në ora: 09:44
Miroslav Lazanski

Ka vdekur në moshën 71 vjeçare, ambasadori i Serbisë në Rusi, Miroslav Lazanski.

Ai ndërroi jetë mbrëmë në Beograd, si pasojë e një sulmi në zemër.

Lazanski ishte gazetar dhe komentator para se të hynte në politikë në zgjedhjet e vitit 2016, kur ishte zgjedhur deputet i Partisë Progresiste Serbe në pushtet. Ai u emërua Ambasador në Moskë në korrik të vitit 2019.

Ai ishte i njohur për rrëfimet rreth çështjeve ushtarake.

Lazanski ishte lindur në Kroaci dhe babai i tij ishte oficer i Ushtrisë Kombëtare Jugosllave dhe ka jetuar në Zagreb për një pjesë të madhe të jetës.

Lazanski ishte vendosur në Beograd më 1991, kur ishte shpërbërë Jugosllavia, për të shkruar për të përditshmen pro-qeveritare, “Politika”, dhe për t’u bërë më vonë i afërt me autoritetet në vitet e nëntëdhjeta.

Gjatë karrierës si gazetar, ai i ka mbuluar disa konflikte në botë, përfshirë ato në Afganistan, Bejrut, Çeçeni, Liban, luftën mes Iranit e Irakut dhe luftërat në ish-Jugosllavi.

commentFirst article
Sot mund të lexoni Shfletoni kopertinat