Kaos në Lubjanë për shkak të masave drastike të COVID-19: Protestuesit sulmojnë parlamentin slloven

Evropë

Kaos në Lubjanë për shkak të masave drastike të COVID-19: Protestuesit sulmojnë parlamentin slloven

Më: 16 shtator 2021 Në ora: 06:16
Foto

Kundërshtarët e masave për të luftuar coronavirusin kanë protestuar sonte në Sheshin e Republikës në Lubjanë.

Ata kritikuan qeverinë duke i thirrur edhe të japin dorëheqje. Pas dy orësh, ata ndezën pishtarë dhe filluan t’i hedhin në Parlamentin e Sllovenisë.

Disa policë u plagosën në trazirat gjersa helikopterët fluturuan mbi qytet. Protestat, për të cilat policia vlerësoi se morën pjesë më shumë se 8,000 persona, u qetësuan rreth orës 22:30.

Protestuesit, të cilët u mblodhën sot në Sheshin e Republikës në Lubjanë, kishin dy kërkesa: ndryshimin e masave për të luftuar COVID-19 dhe zgjedhje të parakohshme.

Para protestës, organizatorët bënë thirrje për një tubim paqësor, por incidenti ndodhi sapo një person i panjohur hodhi një shishe ndaj njërit prej policëve që ruanin tubimin.

Ndryshe, qeveria sllovene ka vendosur që shoferëve të veturave të cilët nuk janë vaksinuar të mos iu shitet karburant.

 

commentFirst article
Sot mund të lexoni Shfletoni kopertinat