Italia, në këmbë kundër vaksinës/ Në Francë protestuesit përplasen me policinë

Evropë

Italia, në këmbë kundër vaksinës/ Në Francë protestuesit përplasen me policinë

Më: 26 shtator 2021 Në ora: 18:59
Foto

Pasi qeveria italiane vendosi detyrimin e pajisjes me pasaportë vaksinimi për të gjithë punëtorët, në sektorin shtetëror dhe atë privat nga muaji tetor, dhjetëra mijëra protestues kanë pushtuar sheshet e më shumë se 60 qyteteve në të gjithë vendin.

Ata kundërshtojnë vendimin duke e quajtur fashizëm të maskuar me masa shëndetësore. Në Milano situata u përshkallëzua në dhunë, qytetarët thyen kordonin e policisë dhe u përplasën me oficerët. Disa persona mbetën të plagosur e të tjerë u arrestuan.

Në Trieste, mijëra njerëz bllokuan rrugët kryesore dhe marshuan përpara gjykatave si dhe mediave. Me thirrjet për liri ata shprehen kundër vaksinimit, të cilin e quajnë eksperimental dhe kundërshtojnë masat kufizuese.

Shoferët e kamionëve kanë paralajmëruar se do të bllokojnë autostradat dhe rrugët kryesore këtë të hënë.

Ndërkohë edhe në Francë, jelekverdhët kanë pushtuar sërish rrugët e kryeqytetit për të kundërshtuar vaksinimin e detyruar dhe certifikatën e gjelbër. Sërish nuk janë shmangur skenat kaotike dhe përplasjet e dhunshme me autoritetet.

Sipas mediave vendase, rreth 60,000 njerëz u janë bashkuar protestave të ngjashme në të gjithë Francën.

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat