Presidenti i Çekisë, Millosh Zeman është dërguar me urgjencë në spital për shkak të shqetësimeve shëndetësore, vetëm një ditë pas fjalimit të tij për formimin e qeverisë së re.
Zeman po mbahet në kujdes intensiv në Spitalin Ushtarak në Pragës, tha në një deklaratë për media doktori i tij Miroslav Zavoral.
“Arsyeja e komplikimeve të Zeman, janë sëmundjet për të cilat ai është duke u kuruar”, tha ai duke shtuar se nuk mund të flasë për diagnozën.
Shtrimi i presidentit 77-vjeçar në spital vjen në një moment kritik për formimin e qeverisë së re në vend.
Ai u dërgua në spital pas bisedimeve me kryeministrin Andrej Babiš, një ditë pas zgjedhjeve parlamentare, ku partia e këtij të fundit humbi ndjeshëm mbështetjen e votuesve
