Dy tubime për provovimin e reformës kushtetuese në Turqi janë anuluar në Zvicër së fundmi.
Ministri i Jashtëm turk kishte planifikuar të bisedonte me mbështetësit e partisë AKP të dielën, në hotelin Hilton, në Opfikon të Zvicrës.
Qëllimi: promovimi i reformës kushtetuese në Turqi, e cila do t’i garantonte presidentit Recep Tayyip Erdogan kompetenca gjithëpërfshirëse.
Por, hoteli u cilësua si shumë i rrezikshëm për Mevut Cavusoglun.
Për arsye sigurie, tubimi i paraparë u anulua këtë mëngjes, raporton SRF.
Këshilli i qeverisjes lokale i Cyrihut po ashtu ka kundërshtuar paraqitjen e Cavusoglut – dhe është ankuar të mërkurën tek Këshilli Federal.
Megjithatë, një tubim për reformën kushtetuese duhej të mbahej në Cyrih, raporton “St. Galler Tablatt” dhe “Nordwestschweiz”.
Dega zvicerane e Unionit të Demokratëve Evropiano-Turq kishte ftuar Hursit Yildirimin për të folur të premten, në orën 19:30.
Yildirim është zëvendëskryetar i degës së Stabollit të partisë qeverisëse turke.
