Shembja e urës në Itali, 26 të vdekur dhe 15 të plagosur - Bota Sot
Shembja e urës në Itali, 26 të vdekur dhe 15 të plagosur

Evropë

Shembja e urës në Itali, 26 të vdekur dhe 15 të plagosur

Më: 15 gusht 2018 Në ora: 08:13
Pamje nga ura e shembur në Itali.

Ekipet e shpëtimit janë duke vazhduar kërkimet për të mbijetuar në qytetin veriperëndimor italian, Gjenova, pas shembjes së një ure në autostradë.

Policia ka thënë se të paktën 26 persona janë vrarë dhe 15 të tjerë janë plagosur rëndë, teksa dhjetëra makina kanë rënë nga 45 metra lartësi.

Sipas raportimeve, në rrënoja janë dëgjuar zëra të njerëzve duke bërtitur, ndërsa 12 persona janë ende të zhdukur.

Rreth 300 zjarrfikës nga e gjithë Italia kanë përdorur nuhatjen e qenit dhe ngjitjen, si mënyra për gjetje të sa më shumë njerëzve.

“Nuk jemi duke hequr dorë nga shpresat”, ka thënë zyrtari për Zjarre, Emanuele Giffi, për agjencinë e lajmeve AFP, duke premtuar se ekipet do të punojnë vazhdimisht derisa të sigurohet viktima e fundit.

Qindra persona po ashtu janë evakuuar pas shqetësimeve se pjesë tjera të urës mund të shemben.

Shkaku i fatkeqësisë ende nuk dihet, mirëpo ky rast ka nxitur debate për siguri dhe strukturë të këtyre objekteve.

Në kohën kur është shembur ura, në qytet ishte duke rënë një shi i rrëmbyeshëm.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...