Zbulohet shkaktari i tragjedisë në Genoa të Italisë

Evropë

Zbulohet shkaktari i tragjedisë në Genoa të Italisë

Më: 15 gusht 2018 Në ora: 18:37
Genoa

Një gabim njerëzor shkaktoi një tragjedi fatale në Genoa, kur u shemb mbikalimi, tha kreu i prokurorisë publike në Genoa, Francesco Kozi.

Kozi tha se pas operacionit të shpëtimit, hetuesit do të analizojnë "të gjitha aspektet që lidhen me zhvillimin, inxhinierimin dhe mirëmbajtjen e urës".

Sipas raporteve të mëhershme, mbikalimi që u shemb, la të vdekur 39 persona, dy vjet më parë ka qenë e mbyllur përkohësisht, pasi gjendja e saj ka kërkuar "mirëmbajtje të lartë".

Kreu i prokurorisë tha se ishte i gatshëm të hapte rastin "për shkak të një vrasjeje dhe fatkeqësie të zymtë të shumëfishtë".

Zjarrfikësit paralajmëruan të mërkurën se një pjesë tjetër e urës mund të shembet.

Ministria franceze e Punëve të Jashtme ka bërë të ditur sot se në mesin e viktimave janë tre shtetas francezë, dhe ambasada shqiptare në Romë tha se jetën kishin humbur dy shtetas shqiptarë.

Mbikalimi, papritur, u shemb duke shkaktuar dhjetëra automjete të binin nëpër të çara.

Ministri i Transportit italian Danilo Tonin, i cili vizitoi vendin e ngjarjes, tha se operatori i mbikalimit duhet të marrë pjesë në koston e rindërtimit, si dhe të paguajë një gjobë të rëndë.

commentFirst article
Sot mund të lexoni Shfletoni kopertinat