Pas shembjes së urës, Italia shpall gjendje të jashtëzakonshme - Bota Sot
Pas shembjes së urës, Italia shpall gjendje të jashtëzakonshme

Evropë

Pas shembjes së urës, Italia shpall gjendje të jashtëzakonshme

Më: 15 gusht 2018 Në ora: 20:20
Ura Morandi, që u shemb të martën.

Kryeministri i Italisë, Giuseppe Conte ka shpallur gjendje të jashtëzakonshme për periudhë prej 12 muajsh, në rajonin Liguria, në përgjigje ndaj shembjes së një ure në Gjenova.

Ai gjithashtu tha se do të ndajë 5 milionë euro shtesë nga fondet qendrore dhe do t’ia dhurojë këtij rajoni.

Qeveria rajonale ka kërkuar veprime të menjëhershme pas shembjes së urës gjatë ditës së martë, ku mbetën të vdekur 39 persona.

Ekipet e shpëtimit kanë pak shpresë se mund të gjejnë të mbijetuar të tjerë nën gërmadhat e urës Morandi, ku pothuajse 40 makina kanë rënë nga një lartësi prej 45 metrash, pas shembjes së një pjese të urës.

Ende nuk dihet shkaku i shembjes së urës. Autoritetet në Gjenova kanë shpallur dy ditë zie, pas kësaj tragjedie.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...