Në Gjermani arrestohen 6 ekstremistë të dyshuar të djathtë - Bota Sot
Në Gjermani arrestohen 6 ekstremistë të dyshuar të djathtë

Evropë

Në Gjermani arrestohen 6 ekstremistë të dyshuar të djathtë

Më: 1 tetor 2018 Në ora: 17:18
Pamje nga një protestë kundër migrantëve në Kemnic të Gjermanisë.

Gjashtë persona u arrestuan nën dyshimet se i përkasin një grupi të ekstremit të djathtë në qytetin lindor të Gjermanisë, Kemnic.

Të dyshuarit, të moshës 20 deri në 31 vjeç, akuzohen për formimin e një grupi të quajtur "Revolucioni Kemnic", për të shkatërruar demokracinë.

Prokurorët thanë se ata kanë planifikuar sulme ndaj të huajve, politikanëve dhe shërbyesve të lartë civilë.

Tensionet në Kemnic janë rritur prejse një shtetas gjerman është vrarë nga dy migrantë të dyshuar, në muajin gusht.

Vrasja ka nxitur protesta të dhunshme në qytet.

Sipas analistëve, protestat kanë nxjerrë në pah ndarjet e thella në shoqërinë gjermane, për hyrjen e mbi një milion migrantëve në Gjermani - kryesisht myslimanë nga Lindja e Mesme - pasi kancelarja Angela Merkel i ka hapur dyert e shtetit për ta në vitin 2015.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...