Në Gjermani arrestohet një i dyshuar për vrasjen e gazetares bullgare - Bota Sot
Në Gjermani arrestohet një i dyshuar për vrasjen e gazetares bullgare

Evropë

Në Gjermani arrestohet një i dyshuar për vrasjen e gazetares bullgare

Më: 10 tetor 2018 Në ora: 13:09
Victoria Marinova

Një njeri i dyshuar për përdhunimin dhe vrasjen e gazetares bullgare Victoria Marinova në Bullgarinë veriore u arrestua natën e kaluar në Gjermani, ku ai kishte ikur pas krimit, njoftuan sot autoritetet bullgare, të cilat tani për tani përjashtojnë mundësinë se arsyeja për vrasje është e lidhur me profesionin e viktimës.

"Hetimi na ka mundësuar të identifikojmë një njeri të cilin policia gjermane e arrestoi me kërkesën tonë," tha ministri i Brendshëm bullgar Mlladen Marinov.

Kryeprokurori Sotir Çaçarov tha se "për tani" përjashton mundësinë që vrasja e  gazetares është e lidhur me profesionin e saj.

I dyshuari, emri i të cilit nuk u zbulua, u lind në vitin 1997 dhe më parë kundër tij ishte lëshuar fletëndjekje për vrasje dhe përdhunim.

Trupi i Marinova që raportoi për korrupsion të mundshëm në qeverinë bullgare u gjet pranë lumit Danub.

Policia pastaj deklaroi se Marinova (30) ishte rrahur, përdhunuar dhe mbytur.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...