Shtohet rreziku i sulmeve kibernetike në Gjermani - Bota Sot
Shtohet rreziku i sulmeve kibernetike në Gjermani

Evropë

Shtohet rreziku i sulmeve kibernetike në Gjermani

Më: 12 tetor 2018 Në ora: 22:18
Ilustrim

Në fund të vitit të kaluar, hakerët sulmuan një platformë mësimore në një shkollë të lartë në Gjermani, për të krijuar atje akses në rrjetin e Ministrisë së Jashtme.

Ministri i Brendshëm gjerman Horst Seehofer e konsideron këtë një shembull paralajmërues për rrezikun e sulmeve kibernetike.

Sulmuesit jo vetëm dështuan gjatë kësaj përpjekjeje, por ata u vrojtuan gjatë gjithë kohës prej Entit Federal për Sigurinë në Teknikën e Informacionit (BSI), e cila është përgjegjëse për mbrojtjen nga sulmet kibernetike dhe konsulton shoqatat dhe ndërmarrjet.

Ministri Seehofer e vlerësoi punën e këtij institucioni gjatë prezantimit të enjten në Berlin të raportit të BSI’së për gjendjen aktuale.

Sipas raportit me rritjen e akseseve në rrjet në jetën e përditshme shtohet edhe numri i pikave të ndjeshme ndaj sulmeve në sistem.

Megjithatë ministri i Brendshëm është i angazhuar për të garantuar që rrjetet elektronike të autoriteteve gjermane, të furnizuesve të energjisë apo të sipërmarrjeve të tjera të rëndësishme të jenë imune edhe në të ardhmen prej sulmeve të tilla.

“Gjendja e rrezikshmërisë në Gjermani është ashpërsuar për shkak të një cilësie të re të sulmeve kibernetike, thekson Seehofer.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...