Partnerët konservatorë të Angela Merkel në Bavari kanë pësuar humbjen e tyre më të rëndë për më shumë se gjashtë dekada në një rezultat të zgjedhjeve shtetërore poshtëruese që ka gjasa të dobësojë më tej qeverinë e koalicionit në Gjermani.
CSU ka siguruar vetëm 35.5% të votave, sipas sondazheve fillestare të daljes, që do të thotë se ka humbur shumicën absolute që kishte gëzuar në shtetin jugor, pothuajse që nga Lufta e Dytë Botërore, raporton The Guardian, përcjell Bota sot.
Ndër fituesit kryesorë ishte partia e Gjelbër mjedisore, pro-imigracionit, e cila siç parashikohej pothuajse dyfishoi pjesëmarrjen e saj në 18.5% në kurriz të Social Demokratëve, të cilët kanë humbur pozicionin e tyre si partia e dytë më e madhe.
AfD e cila hyri në parlamentin kombëtar për herë të parë pas zgjedhjeve federale të vitit të kaluar, ka përsëritur suksesin në Bavari - që dikur konsiderohej si jashtë kufijve të partisë - dhe duke siguruar 11% të votave, hyri në parlamentin rajonal për herë të parë.
Votuesit e Lirë, një parti rajonale, gjithashtu ka gjasa të hyjnë në parlament, pasi kanë siguruar 11.5%.
Pjesëmarrja e votuesve ishte 72.5% dhe ishte në nivelin më të lartë për gati 40 vjet./BS