Putini takohet me Conten - Bota Sot
Putini takohet me Conten

Evropë

Putini takohet me Conten

Më: 24 tetor 2018 Në ora: 15:38
Presidenti rus Vladimir Putin dhe kryeministri italian Giuseppe Conte.

Presidenti rus, Vladimir Putin ka mirëpritur në Moskë kryeministrin italian, Giuseppe Conte. Dy liderët pritet të zhvillojnë bisedime që do të kenë në fokus përpjekjet për të thelluar raportet ekonomike.

Teksa dy liderët po fillonin takimin e tyre në Kremlin, Conte tha se Rusia dhe Italia duhet të ruajnë “cilësinë dhe vëllimin e marrëdhënieve tona”.

Italia është partneri i gjashtë më i madh tregtar i Rusisë dhe ka pasur rritje të qëndrueshme gjatë dy vjetëve të fundit, i tha Putini kryeministrit italian.

“Vëllimi i marrëdhënieve tona ekonomike vazhdon të jetë i fortë. Pavarësisht kohërave të vështira, kontaktet tona politike vazhdojnë të jenë në nivel të lartë”, tha Putin.

Tregtia në mes të këtyre dy shteteve është goditur pas sanksioneve të BE-së, që ishin vendosur si kundërpërgjigje ndaj ankesimit të gadishullit ukrainas të Krimesë nga Moska dhe mbështetjes që Rusia i jep separatisteve të armatosur në lindje të Ukrainës.

Conte e ka ftuar Putinin që në një të ardhme të afërt të vizitojë Italinë.

Më herët gjatë ditës, kryeministri Conte është takuar me homologun e tij rus, Dmitry Medvedev, i cili ka thënë se shpreson që vizita e Contes do të rrisë bashkëpunimin mes dy vendeve.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...