Gjykata e Lartë e Spanjës ka urdhëruar që 18 ish-udhëheqësit katalanas të gjykohen për rolin e tyre në shpalljen e pavarësisë së regjionit vitin e kaluar.
Në një deklaratë të lëshuar të enjten, gjykata tha se nëntë ish udhëheqës të burgosur, duke përfshirë ish-nënkryetarin e Katalonjës, Oriol Junqueras, duhet të gjykohen për rebelim, i cili përbën një dënim me burg deri në 25 vjet.
Prokurori publik i Spanjës pritet të formalizojë akuzat kundër 18 individëve brenda pesë ditëve të ardhshme. Gjykimi ka gjasa të fillojë vitin e ardhshëm.
Ish presidenti i Katalonjës, Carles Puigdemont, i cili është në megrim të vetë-imponuar në Belgjikë, nuk është pjesë e grupit që pritet të dalë në gjyq, sepse Spanja nuk i lejon gjyqet në mungesë.
Puigdemont luajti një rol kyç në një përpjekje seperatiste e cila kulmoi me shpalljen e pavarësisë më 27 tetor, vitin e kaluar pas një referendum të ndaluar për t’u shkëputur nga Spanja, i cili u shkatërrua nga dhuna.
Gjykata e Lartë e Spanjës urdhëron gjykimin e ish udhëheqësve katalanasQeveria e Katalonisë kishte thënë se 90% e votave ishin për pavarësi, por pjesëmarrja ishte më pak se 50%.
