Presidenti i Rusisë, Vladimir Putin, ka thënë se ndarja midis kishave ortodokse do të shkaktojë "pasoja serioze", pas vendimit të Patrikanës së Konstandinopojës për të njohur Kishën Ortodokse Autoqefale të Ukrainës.
"Unë do të doja të theksoj një gjë: politizimi në fusha të tilla të ndjeshme tërheq gjithmonë pas vetes pasojat më të rënda, mbi të gjitha për ata që ta bëjë këtë", tha Putin në një forum në Moskë me përfaqësues të diasporës ruse.
Kjo është hera e parë që presidenti i Federatës Ruse foli për krizën e shkaktuar nga njohja e Kishës Ortodokse të Ukrainës.
Putini dënoi "përpjekjet për të thyer lidhje" midis Kishës Ortodokse Ruse dhe besnikëve të saj jashtë vendit.
"Detyra jonë e përbashkët para njerëzve është të ruajmë unitetin shpirtëror dhe historik të ortodoksëve," tha ai.
Kah mesi i tetorit, Patrikana e Konstandinopojës njohu pavarësinë e Kishës Ortodokse të Ukrainës, e cila ka hapur çështjen për miliona besimtarë në vend, ku Kisha Ortodokse Ruse ka ndikim të madh.
Patriarku rus Kirill refuzoi të njohë vendimin e Patrikanës së Konstandinopojës dhe deklaroi si përçarjen më të madhe në krishterim në 100 vjetët e fundit. Kisha Ortodokse Ruse për këtë arsye vendosi të ndërpresë marrëdhëniet me Patrikanën e Kostandinopojës.
Të krishterët ortodoksë në Ukrainë janë të ndarë, dhe një pjesë që i përkasin Patrikanës së Moskës, ndërsa pjesa e dytë është besnike ndaj Kievit - Patrikana e shpallur pas pavarësisë së vendit në vitin 1992, të cilën deri më tani nuk e ka njohur asnjë kishë e vetme ortodokse në botë.
