Beteja e May për “Brexit”. Pas BE-së, vazhdon në Parlament - Bota Sot
Beteja e May për “Brexit”. Pas BE-së, vazhdon në Parlament

Evropë

Beteja e May për “Brexit”. Pas BE-së, vazhdon në Parlament

Më: 26 nëntor 2018 Në ora: 09:47
Kryeministrja britanike Theresa May

Bashkimi Evropian arriti të miratojë marrëveshjen me kushtet për largimin e Britanisë, por Theresa May ka ende një sprovë të madhe përpara saj.

Kryeministrja britanike duhet ta kalojë në Parlament planin e saj, të cilin kreu i opozitës, Jeremy Corbyn, e quan “një dështim të turpshëm”. Ajo i ka paralajmëruar paraprakisht ligjvënësit se mungesa e mbështetjes për marrëveshjen do ta kthente Mbretërinë e Bashkuar në pikën e nisjes.

Liderët e BE-së i dhanë ujdisë mbështetjen e tyre zyrtare në samitin e jashtëzakonshëm të Brukselit pas më shumë se një viti e gjysmë negociatash të zgjatura e të lodhshme. Por, ata u përpoqën të tregonin se nuk do të ketë një plan B, përveç një shkëputjeje pa marrëveshje nëse kjo e fundit nuk merr dritën jeshile të Dhomës së Komuneve, në 12 dhjetor.

Ky ishte qëndrimi zyrtar, ndërsa “Sunday Telegraph” pretendon se diplomatët e bllokut dhe përfaqësuesit britanikë janë duke përgatitur në mënyrë të fshehtë edhe një rrugëzgjidhje tjetër. Dokumenti prej 600 faqesh i marrëveshjes përcakton kushtet e largimit të Britanisë nga BE-ja, si dhe një plan për lidhjet e tyre në të ardhmen. Presidenti i Komisioni Evropian, Jean-Claude Juncker, foli për mediat ndërsa qëndronte përkrah zotit Tusk dhe kryenegociatorit të BE-së, Michel Barnier. Ai shprehu kënaqësinë për rezultatin e arritur, por edhe keqardhje duke thënë se është e hidhur të shikosh se si një vend si Britania e Madhe kërkon ta gjejë veten larg të gjitha vendeve të Bashkimit Evropian.

Në konferencën për shtyp të mbajtur të dielën në fund të samitit, May e përshëndeti vulosjen e paktit si një moment historik që shënon pikën kulmore të një procesi të gjatë e të vështirë, ndërsa refuzoi të përjashtonte dorëheqjen në rast se marrëveshja refuzohet nga ligjvënësit britanikë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...