BE: Marrëveshja aktuale e Brexit-it “mënyra e vetme e mundshme”

Evropë

BE: Marrëveshja aktuale e Brexit-it “mënyra e vetme e mundshme”

Më: 29 nëntor 2018 Në ora: 23:00
Michel Barnier

Kryenegociatori i Bashkimit Evropian (BE) për Brexit-in, Michel Barnier, ka deklaruar se traktati aktual i tërheqjes së Mbretërisë së Bashkuar është “marrëeshja e vetme e mundshme”.

Duke folur në dhomën e Parlamentit të BE-së, Barnier vuri në dukje se marrëveshja e dakorduar me kryeministren britanike, Theresa May, është më e mira që mund të arrinin.

“Duke pasur parasysh rrethanat e vështira të këtyre negociatave dhe duke pasur parasysh kompleksitetin ekstrem të të gjitha çështjeve të tërheqjes britanike… kjo marrëveshje është e vetmja dhe më e mira e mundshme”, theksoi Barnier.

Barnier këmbënguli se tani është koha për ratifikim, duke theksuar se “Jam i bindur se do të jemi në gjendje të punojmë së bashku për një partneritet të vërtetë dhe të pashembullt”.

Parlamenti i Mbretërisë së Bashkuar do të votojë për marrëveshjen e Brexit-it më 11 dhjetor.

commentFirst article
Sot mund të lexoni Shfletoni kopertinat