Maas mbron projektin e kritikuar të gazsjellësit rus

Evropë

Maas mbron projektin e kritikuar të gazsjellësit rus

Më: 3 dhjetor 2018 Në ora: 21:30
Heiko Maas

Ministri gjerman i Punëve të Jashtme, Heiko Maas ka hedhur poshtë kritikat e vazhduara për gazsjellësin e dytë që lidh drejtpërdrejtë Rusinë me Gjermaninë nëpërmjet Detit Baltik.

Kritikat janë shprehur nga SHBA-ja dhe vende të tjera aleate.

Për sa i përket shqetësimeve se “Nord Stream 2” mund të lejojë Moskën që të presë transportimin e gazit nëpërmjet Ukrainës, Maas tha se “janë marrë garanci nga Rusia, që gazi do të vazhdojë të kalojë nëpërmjet Ukrainës”, shkruan ATSH.

Gjatë një fjalimi në një konferencë për shtyp në Berlin me ministrin slloven të Punëve të Jashtme, Miro Cerar, Maas tha se presidenti rus, Vladimir Putin ka garantuar kancelaren Angela Merkel në gusht, se Ukraina do të vazhdojë të fitojë nga tranzitimi i gazit nëpërmjet territorit të saj.

commentFirst article
Sot mund të lexoni Shfletoni kopertinat