Humbasin vrullin protestat në Paris

Evropë

Humbasin vrullin protestat në Paris

Më: 16 dhjetor 2018 Në ora: 18:51
Protesta në Francë

Protestuesit me jelekë të verdhë po bllokojnë dhjetëra pika të trafikut në Francë, edhe pse lëvizja e reformës ekonomike duket se e ka humbur vrullin në fundjavën e pestë të demonstratave.

Disa francezë vazhduan të dielën të protestojnë megjithë një thirrje nga ministri i brendshëm Christophe Castaner për të liruar rrugët.

Tetë vetë kanë vdekur në incidente të lidhura me lëvizjen e jelekëvë të verdhë, kryesisht nga aksidentet e trafikut në rrugët e bllokuara nga protestuesit.

Image

Të shtunën, protestuesit dolën në rrugë në qytete anembanë Francës, duke përfshirë edhe Parisin, por në numër shumë më të vogël se fundjavat e mëparshme.

Protestat filluan në nëntor kundrejt rritjes së taksave të karburantit, por janë shndërruar në një shprehje të përgjithshme të zemërimit në qeverinë e Presidentit Emanuel Macron.

commentFirst article
Sot mund të lexoni Shfletoni kopertinat