Prokuroria Themelore në Ferizaj ka paraqitur kërkesë për caktimin e masës së paraburgimit kundër nëntë personave të pandehur pasi dje gjatë një bastisje në Ferizaj janë gjetur dhe sekuestruar mbi 209 kg marihuanë, të cilën kanë pasur për qëllim që ta transportojnë jashtë shtetit të Kosovës.
Të pandehurit B.S., G.K., XH.S., J.B.,F.B.,D.S., F.B., H.B dhe Z.K. akuzohen për veprën penale “blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.
Po ashtu, Prokuroria Themelore në Ferizaj njofton se me urdhër të prokurorit të shtetit, të pandehurit B.S., G.K., XH.S., J.B.,F.B dhe F.B., gjenden në ndalim që nga data 9 shkurt 2019, kurse tre të pandehurit tjerë D.S., H.B., dhe Z.K., gjenden në arrati.
