Ferizaj në krye të komunave me performancën më të mirë në vitin 2018 - Bota Sot
Ferizaj në krye të komunave me performancën më të mirë në vitin 2018

Ferizaj

Ferizaj në krye të komunave me performancën më të mirë në vitin 2018

Më: 15 maj 2019 Në ora: 19:40
Albion Sherifi

Viti i parë i qeverisjes lokale udhëhequr nga Kryetari i Komunës, Agim Aliu mori vlerësim dhe shpërblim sot nga Ministria e Administrimit të Pushtetit Lokal në kuadër të vlerësimit dhe fondit stimulues për performancën e shërbimeve komunale gjatë vitit 2018.

Siç njofton Komuna e Ferizajt, në takimin e sotëm të organizuar nga MAPL, ministrja e Ministrisë së Administrimit të Pushtetit Lokal, Adriana Hodxhiq bashkë me zëvendësministrat e kësaj ministrie, Beqir Fejzullahu, Bashkim Krasniqi dhe sekretaren e përgjithshme të MAPL-së, Rozafa Ukimeraj hapën ceremoninë e publikimit të Raportit të Performancës së Komunave për vitin 2018 dhe ndarjen e shpërblimeve për Komunat.    

Ferizaj është ranguar në top dhjetëshen e komunave me performancën më të lartë të shërbimeve komunale, me vlerësim prej 73.61% duke lënë prapa qytete të mëdha si Prishtina, Prizreni, Gjakova, Podujeva e të tjera.

Albion Sherifi, koordinator i Performancës Komunale në Komunën e Ferizajt ishte i pranishëm në këtë ceremoni të publikimit të Raportit të Performancës Komunale për vitin 2018 dhe ndarjen e shpërblimeve ku pjesëmarrës ishin Kryetarët e Komunave të Kosovës.

Komunat e shpërblyera në mesin e tyre edhe Komuna e Ferizajt do të përfitojnë grant të performancës për këtë sukses të arritur në ofrimin e shërbimeve komunale. Vlera e fondit stimulues arrin në 1.5 milionë euro, ku 1.3 milionë euro janë ndarë për 24 komuna me performancën më të lartë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...