Ish-deputeti i LDK-së Adem Salihaj ka thënë se Qeveria e Kosovës paska vendosur ta financojë një kyçje në autostradë në Ferizaj.
Madje sipas tij, kjo qeveri po tenton t'i mashtrojë qytetarët e komunës së Ferizajt.
Ja postimi i plotë:
“Sot, qeveria e Kosovës paska vendosur ta financojë një kyçje në autostradë në Ferizaj. Duhet thënë se kjo qeveri po tenton t'i mashtrojë qytetarët e komunës së Ferizajt, sepse , para tri vjetësh, me nismën time dhe me përkrahjen e deputetëve të Ferizajt, qeveria e kryeministrit Mustafa kishte destinuar mjetet në buxhetin e Kosovës për këtë kyçje. Por, pas ardhjes së qeverisë së Ramush Haradinajt, ai e hoqi këtë kyçje nga buxheti dhe ajo nuk u ndërtua deri tash.
Tash, si duket, i është afruar fundi kësaj qeverie dhe ka filluar fushatën elektorale. Shpresoj se nuk do të arrijë t'i manipulojë qytetarët e Ferizajt me këso lojërash hipokrite”, ka shkruar Salihaj.