Gjatë ditës së sotme ka ndërruar jetë një djalë i ri nga Ferizaj, ai ishte i prekur me Covid-19.
Drejtori i Spitalit të Ferizajt, Jeton Zeqiri, ka thënë për Klan Kosovën se të ndjerin e kanë pranuar në gjendje të rëndë shëndetësore për shkak se kishte pneumoni.
Ai deklaroi se atë më pas e kanë transferuar për mjekim intenziv në Klinikën e Mjekimit Intensiv Qendror në Qendrën Klinike Universitare të Kosovës (QKUK), i cili ishte trajtuar atje për një javë.
Ndërsa anesteziologu Gazmend Spahija nga Klinika e Mjekimit Intensiv Qendror, ka deklaruar për Klan Kosovën se viktima kishte pneumoni.
“Nga të dhënat e Spitalit Rajonal të Ferizajt prej nga ka ardh nuk kemi të dhëna tjera, përpos pneumonisë së rëndë të dy mushkërive”.
“Por që në momentin e pranimit pacienti ka qenë në gjendje shumë të rëndë, i intubuar dhe i kyçur në ventilatorë”, ka thënë Spahija.
