Ferizajasit dallohen për vlerat e tyre solidare dhe humane. Mirëpo është i jashtëzakonshëm fakti se një familje ka hapur dyert për të strehuar tash e sa vite, fëmijë me nevoja të veçanta, pa përkujdesje të deriatëhershme.
Është familja Selmani nga Dardania e Ferizajt që po jep këtë shembull të rrallë sesi familja ndërtohet mbi baza të dashurisë, përkujdesit e përkushtimit. Kjo familje tash e disa vite ka në përkujdesje fëmijë me nevoja të veçanta, të cilët kryefamiljarët Ymrije dhe Halil Selmani fare nuk i dallojnë nga anëtarët tjerë të familjes.
Pas kontaktit që pati kjo familje me kryetarin e Komunës, Agim Aliu dhe zotimit të këtij të fundit që t’i ndihmoj, për t’i vizituar sot këtë familje strehuese, dolën drejtorët komunal, Lulzim Aliu, Burim Bajrami, Arbër Bytyqi, Bekim Ademi, këshilltari i Kryetarit, Albion Sherifi, të prirë nga nënkryetari i Komunës, Arton Gavazi.
Kryefamiljarja Ymrije atyre iu prezantoi kushtet në të cilat jeton kjo familje dhe përkujdesin që tregojnë ndaj fëmijëve të cilëve i kanë ofruar strehim. Kryefamiljarja, bashkë me familjen e saj, në një ngrohtësi e dashamirësi ndaj mysafirëve, shpalosi hallet që ka kjo familje.
Sipas njw njoftimi tw komunws, drejtorët e drejtorive komunale u zotuan që në afat sa më të shpejt t’i ofrojnë gjithë çfarë është e mundur dhe e nevojshme që kjo familje të mos ndiej vështirësi, aq më tepër me specifikat që ka, ku rriten fëmijë me nevoja të veçanta që këtu gjejnë strehim.
Shembujt e tillë të humanitetit duhet të ndiqen edhe nga familje të tjera, dora t’i zgjatet dorës në nevojë që bashkë të sëndertojmë një të ardhme më të mirë.
