​KOSTT nënshkruan kontratë për ndërtim të nënstacionit të ri në sistemin e transmetimit të energjisë elektrike në Komunën e Ferizajt

Ferizaj

​KOSTT nënshkruan kontratë për ndërtim të nënstacionit të ri në sistemin e transmetimit të energjisë elektrike në Komunën e Ferizajt

Më: 1 prill 2021 Në ora: 09:48
Foto nga takimi

Është nënshkruar kontrata për ndërtim të nënstacionit të ri në sistemin e transmetimit të energjisë elektrike në Komunën e Ferizajt.

Kontrata e nënshkruar mes ekzekutivit të KOSTT Mustafë Hasani dhe përfaqësuesve të kompanisë ABB Power Grids Zagreb, znj. Nina Dusper Sushiç për implementimin e projektit për ndërtim të Nënstacionit të ri 110/35/10(20) kV Ferizaj 3.

Ky investim kapital i KOSTT në vlerë prej mbi € 4.7 milion përveç ndërtimit të nënstacionit të ri në Komunën e Ferizajt parasheh edhe instalimin e transformatorit energjetik me fuqi prej 40 MVA (mega volt amper) në këtë nënstacion.

Implementimi i projektit do të ketë ndikim të theksuar në rritjen e sigurisë dhe të kualitetit të furnizimit me energji elektrike nga aspekti i transmetimit për rajonin e Komunës së Ferizajt duke mundësuar kushte për zhvillim të mëtutjeshëm ekonomik të komunës me rrethinë.

Në komunikatë për media thuhet se “Me rastin e nënshkrimit të kontratës, Kryeshefi Ekzekutiv i KOSTT z.Mustafë Hasani theksoi “Zhvillimi i vazhdueshëm i Sistemit të Transmetimit të Kosovës është prioritet i KOSTT dhe ne jemi të përkushtuar që përmes planifikimit zhvillimor afatgjatë dhe investimeve adekuate të ofrojmë shërbime cilësore për shfrytëzuesit e sistemit duke kontribuar kështu në zhvillimin e sektorit të energjisë në Kosovë si shtyllë kryesore e zhvillimit ekonomik dhe social në vend.”

Nga momenti i fillimit të punimeve, implementimi i projektit parashihet që të përfundojë në afat prej 24 muajsh.

Shfaq komentet
comments powered by Disqus
Sot mund të lexoni Shfletoni kopertinat