Abdixhiku: Një ndër kanditaturat tona më të dashura e domethënëse është kjo për Ferizajn

Ferizaj

Abdixhiku: Një ndër kanditaturat tona më të dashura e domethënëse është kjo për Ferizajn

Më: 29 korrik 2021 Në ora: 20:21
Lumir Abdixhiku dhe Sibel Halimi

Kryetari i Lidhjes Demokratike i Kosovës, Lumir Abdixhiku, ka thënë se kandidatura e Sibel Halimit për kryetare të Ferizajt është njëra ndër kandidaturat më të dashura e domethënëse tona të këtij subjekti.

Ai me anë të një postimi në rrjetin social Facebook ka deklaruar se Halimi do të jetë model për shumë vajza të reja që ëndërrojnë një ditë jetën në shërbim të vendit.

“Sibel Halimi është kandidatja jonë për Ferizaj! Një ndër kanditaturat më të dashura e domethënëse tona është kjo e Sibelit. Një sociologe e dalluar, doktorante në Departamentin e Sociologjisë, aktiviste e të drejtave të njeriut, nënë e përkushtuar, bashkëpunëtore e jashtëzakonshme, Sibel Halimi është një grua që merr përsipër me plot bindje e përkushtim garën tonë në Ferizaj. Në qytetin e njerëzve punëtorë, e mundësive për zhvillim, në qytetin e jetës e gjallërisë, Sibeli do të ndërtojë një ekipë sa profesionale aq edhe të përkushtuar për të transformuar rrënjësisht qytetin aty”.

“Sibeli do të jetë model për shumë vajza të reja që ëndërrojnë një ditë jetën në shërbim të vendit. Do të jetë zë i grave, i drejtësisë e barazisë. Përvoja e gjatë e saj në këtë drejtim është garancë e fortë për këtë qëndrim. Ata që kanë patur rastin të punojnë me të – përfshirë dhe mua e kolegët në LDK – ndjehen të përmbushur me një angazhim të saj sa njerëzor e aq edhe përmbajtësor. Falënderoj degën e LDK-së në Ferizaj për këtë propozim. Do ta mbështes me plot vullnet të njëjtin në Kryesi. Sibel Halimi është pikërisht profili i një veprimtareje të LDK-së me të cilën do ta ndërtojmë dekadën tonë të ardhshme politike. Të priftë e mbara Sibel!”, ka thënë Abdixhiku.

Shfaq komentet
comments powered by Disqus
Sot mund të lexoni Shfletoni kopertinat