Bëhet publike lista e borxhlinjve ndaj komunës së Ferizajt (Dokument) - Bota Sot
Bëhet publike lista e borxhlinjve ndaj komunës së Ferizajt (Dokument)

Ferizaj

Bëhet publike lista e borxhlinjve ndaj komunës së Ferizajt (Dokument)

Më: 5 korrik 2018 Në ora: 09:46
Kryetari Agim Aliu

Pas një procesi të gjatë verifikimi nga komisioni përkatës komunal në kuadër të Drejtorisë së Financave, Komuna e Ferizajt ka përgatitur një listë me emrat dhe mbiemrat, sipërfaqen dhe subjektet afariste që kanë obligime financiare ndaj komunës, mjete financiare këto që nuk janë paguar në kohën e përcaktuar dhe si të tilla nuk janë arkëtuar.

Sipas kumtesës për media, duke pasur parasysh gjendjen e rëndë të financave lokale, Kryetari Agim Aliu ka autorizuar këtë komision që të bëj verifikimin e të gjithë borxhlinjve ndaj komunës dhe bashkërisht me Zyrën Ligjore të nisin procedurat e arkëtimit të mjeteve financiare përmes procedurave përmbarimore, në rastin kur këto obligime nuk kryhen vullnetarisht nga personat fizik dhe juridik.

Komuna e Ferizajt është në fazë të verifikimit të mëtejmë të të gjithë borxhlinjve dhe në këtë rast apelon tek të gjithë përfaqësuesit e subjekteve afariste dhe personat fizik që të shlyejnë detyrimet financiare ndaj Komunës, në të kundërtën do të ndërmerren procedura përmbarimi si fazë e dytë pas bërjes publike të kësaj liste.

Arkëtimi i këtyre mjeteve financiare do të ndikoj në krijimin e një stabiliteti financiar dhe si i tillë mundëson planifikimet e reja zhvillimore të Komunës së Ferizajt, përmes projekteve të ndryshme në interes qytetar.

Image
Image
Shfaq komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh
test
Tjera