HBO u përgjigjet fansave që nisën peticion për rixhirimin e sezonit të tetë të “Game of Thrones” - Bota Sot
HBO u përgjigjet fansave që nisën peticion për rixhirimin e sezonit të tetë të “Game of Thrones”

Filma

HBO u përgjigjet fansave që nisën peticion për rixhirimin e sezonit të tetë të “Game of Thrones”

Më: 25 korrik 2019 Në ora: 11:50
ilustrim

Para pak muajve mbi 200 mijë fansa të serialit, Game of Thrones, e kanë nënshkruar peticionin për ribërjen e sezonit final.

Kështu, televizioni kabllor amerikan, HBO, më në fund i është përgjigjur fansave të këtij seriali, të cilëve nuk iu ka pëlqyer fundi.

“Ka shumë, shumë telashe kur krijon një serial kaq të popullarizuar, dhe kur e përfundon ka shumë njerëz që japin opinione se si do duhej të kishte mbaruar. Ky peticion tregon entuziazëm dhe pasion për serialin, por nuk është diçka që do e marrim seriozisht në konsideratë”, ka thënë Casey Bloys, njëri nga drejtorët e HBO për revistën The Variety.

Ndërkaq, seria e famshme televizive theu rekord në “Emmy Awards 2019” me 32 nominime për sezonin e tetë dhe të fundit.

Përndryshe, ceremonia e dhënies së çmimeve do të mbahet në Los Angeles më 22 shtator të këtij viti.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...