Kushtrim Hoxha, aktori më i mirë në Cine Balkan Panorama - Bota Sot
Kushtrim Hoxha, aktori më i mirë në Cine Balkan Panorama

Filma

Kushtrim Hoxha, aktori më i mirë në Cine Balkan Panorama

Më: 13 tetor 2019 Në ora: 15:37
Kushtrim Hoxha

”Nëntor i ftohtë”, me regji të Ismet Sijarinës, mbrëmë ishte pjesë e Cine Balkan Panorama.

Në festivalin e mbrëmshëm të Cine Balkan Panorama, Kushtrim Hoxha, mori çmimin e aktorit më të mirë.

Lajmin e bëri të ditur aktori, përmes një statusi në llogarinë e tij personale në Facebook, ku shfaqej i nderuar dhe falenderus ndaj jurisë.

Filmi është prezantuar në shumë festivale ndërkombëtare të filmit të cilat kanë rezultuar me dy çmime dhe tre nominime.

Filmi përcjellë Fadilin, i cili punon si arkivist në një ndërmarrje shtetërore, në Kosovën e fillim viteve ’90, dhe duhet të zgjedhë mes dy opsione të gabuara! Në këtë mënyrë ai, jashtë vullnetit dhe dëshirës së tij, “gëlltit” turpin, ballafaqohet me imazhin e keq dhe duron presionin nga të gjitha palët.

Projekti filmik “Nëntor i Ftohtë” është produksion i shtëpive filmike Thumbs Up dhe Buka në bashkëprodhim me Albasky Film, AUDIOHAUS dhe Ikone dhe është mbështetur nga Qendra Kinematografike e Kosovës dhe Qendra Kombëtare Kinematografike e Shqipërisë.

Shfaq komentet
comments powered by Disqus
Sot mund të lexoni Shfletoni kopertinat