Çfarë zbuloi studimi për ata që shohin filma apokaliptikë, reagimi ndaj koronavirusit

Filma

Çfarë zbuloi studimi për ata që shohin filma apokaliptikë, reagimi ndaj koronavirusit

Më: 2 korrik 2020 Në ora: 16:57
Foto ilustrim

Fansat e filmave apokaliptik si Contagion dhe 28 Days Later janë më të përgatitur për t`i bërë ballë pandemisë së koronavirusit. Një studim i realizuar së fundi tregoi se personat që pëlqejnë dhe ndjekin filma të tilla, kanë një nivel më të lartë qëndrueshmërie psikologjike ndaj Covid 19-tës.

Me sa duket, filmat e frikshëm e ndihmojnë audiencën që të arrijë t`i përballojë ndryshe situatat në jetën reale. Psikologët kanë zbuluar se njerëzit që shohin filma ku paraqitet një kaos social apo kolapsi i rendit botëror, reagojnë më mirë ndaj frikës së koronavirusit.

“Aftësia jonë për të banuar në mënyrë imagjinare në botë virtuale - botë që i bëjmë tonat, ashtu si ato që përcillen në filma e libra - është një dhuratë që na vjen nga përzgjedhja natyrore”, thotë autori i studimit Mathias Clasen, psikolog në Universitetin Aarhus të Danimarkës.

“Është paksa si një makineri biologjike që u zhvillua sepse i dha paraardhësve tanë përparësi në luftën për mbijetesë”, shtoi ai.

Sipas Clasen, krahasuar me dikë që nuk e ka menduar kurrë fundin e botës, ata që shohin filma me skenarë të tillë, kanë avantazhin e  të përjetuarit një herë të asaj eksperience.

Sot mund të lexoni Shfletoni kopertinat