Joe Ruby, një nga ideatorët e filmit të famshëm për fëmijë ‘Scooby-Doo’ ka ndërruar jetë në moshën 87-vjeçare.
Shkrimtari dhe ekzekutivi i animacionit vdiq nga shkaqe natyrore të mërkurën në Westlake Village, Kaliforni, sipas Variety.
Seriali origjinal i Ruby, ‘Scooby-Doo, Where are you?’ u krijua në vitin 1969 dhe flet për një qen të madh të quajtur Scooby-Doo dhe shoqëruesit e tij njerëzorë duke zgjidhur misteret që përfshin gjoja krijesa të mbinatyrshme.
Ruby lindi në Los Angeles në vitin 1933.
Sipas nekrologjisë së tij, ‘Pas mbarimit të shkollës së mesme Fairfax, Joe u regjistrua në Marinën e ShBA-së gjatë Luftës Koreane, ku ai shërbeu për një shkatërrues si një operator sonar’.
Ai ka katër: Cliff Ruby (Elana), Deanna Zevin, Craig Ruby (Flor), Debby Winsberg (Lew); dhe dhjetë nipër e mbesa.
Përveç klasikëve për fëmijë të dashur, Ruby dhe partneri i tij Ken Spears krijuan edhe shfaqje të tilla si ‘Dynomutt’ dhe ‘Jabberjaw’.
Në një intervistë për ScoobyAddict.com, dyshja u pyetën nëse ishin të befasuar nga suksesi i ‘Scooby-Doo’.
“Ne ishim të shqetësuar se nuk do të zgjaste më shumë se një sezon, por suksesi na befasoi”, tha Spears.
