Janë ndërprerë xhirimet e “Batman”.
Xhirimet e filmit të ri “Batman” janë ndërprerë pasi një anëtar i ekipit ka rezultuar pozitiv me COVID-19, duke hedhur xhirimet në rrëmujë, shkruan DailyMail.
Burimet nga ekipi i filmit në vlerë 100 milionë funta thanë se skuadra dhe ekipi ishin dërguar në shtëpi pasi një anëtar u prek nga virusi.
Tani xhirimet e filmit me protagonist Robert Pattinson në studion e Warner Bros në Hertfordshire janë ndaluar, sipas një burimi.
Një burim nga studio në Leavesden tha “Na është dërguar një mesazh, që na thotë se një anëtar i ekipit ka rezultuar pozitiv me COVID-19.
“Të gjithë po flisnin në set për këtë. Ne nuk e dimë kush ka rezultuar pozitiv, po ka shkaktuar kaos në orar”, shtoi ai.
Xhirimet e “The Batman” kishin rifilluar tre ditë më parë pasi u mbyllën në fillim të marsit për shkak të pandemisë.
Kjo do t’i kushtojë Warner Bros qindra mijëra funta dhe ndoshta do ta vonojë edhe publikimin e filmit.
