Aktori shqiptar Nik Xhelilaj ka marrë një nominim të rëndësishëm për lojën e tij prej aktori.
Televizioni gjerman WELT dhe faqja Welt.de e kanë nominuar Xhelilajn në kategorinë e aktorit më të mirë të ri.
Xhelilaj, bashkë me nëntë aktorë e aktore tjera të reja në moshë janë nominuar për ICONIST – në kërkim të ikonave të reja të aktrimit, shkruan kultplus.
Në mesin e të nominuarve është edhe Edin Hasanoviq – aktor gjermano-boshnjak i lindur në Bosnje.
Xhelilaj është nominuar në këto çmime për rolin e tij në filmin gjerman televiziv Winnetou ku Xhelilaj vjen në rolin kryesor. Filmi është i bazuar në tri novela të Karl May.
Xhelilaj ka kërkuar votën për tu zgjedhur ikona dhe për të fituar në këtë kategori, ndërsa në çmimet e ICONIST dhe WELT janë edhe kategori të tjera.
