Aktorja e Hollywoodit Tara Raid është dëbuar nga fluturimi në mes të Los Anxhelosit dhe Nju Jorkut, pasi ajo po grindej me punonjësit rreth përzgjedhjes së ulëses.
Dëshmitarët pohojnë se aktorja ishte e zemëruar që nuk kishte marrë një jastëk dhe një vend pranë dritares. Pas dështimit të qetësimit të situatës, ekuipazhi i kërkoi asaj të largohej nga aeroplani, gjë të cilën edhe e bëri.
Aktorja pretendon se ajo vullnetarisht u largua nga fluturimi pasi nuk e lejuan të mbante qenin e saj në prehër gjatë fluturimit, por i propozuan që ta vendosë në bagazhin mbi kokë ose në zonën e ngarkesës së aeroplanit.
Pas largimit nga aeroplani, ajo arriti të kapë një tjetër fluturim ku u lejua të mbante qenin e saj.